Yabo-yabo ni Yaba: Chronicles of Manay Nors

(click image to enlarge)

Usad sa mga gustong masolusyunan ni Manay Nors adi CR sadto Camarin. Inda sana kin tauno ya ta mala ka desidido kadi. Naisip ko baka ku igin pa ya mananaod sira galin sadto Sogod tapos sadi ya makamamati sentro. Baka su experience niya traumatic. Images of clogged toilet bowls and slippery floors and unsanitary lavatories baka tino-torment iya ngowan na sadto UK ana kasilyasan niya arog kadi a

Iton sana. Eh.

Kaya uman naiitindiyan ko kin tauno ta gusto ni Manay Nors ading adbokasya na adi. Magayon ading kasilyasan na adi ta uda problema sa tubig.

(click on image to enlarge)

Iyan sa diri na di gagamiton ni Manay Nors. Baka magsisiyak na. Pero, in fairness, maririsa nyo na nagbubulos pa baga ana tubig na gulpi kaya malinig ana toilet bowl san loog pero maririsa ninyo maati na san loog pati na ana nakapalibot siton salog ag ringring.

Adi pating pwertan na adi raot na kaya kin nakatungkaw si Manay Nors pag lumoog ika, naka buyangyang an na arog kadi ah 

An pating exterior kadi CR mala naman na ano-ano

Iton pati guwardiya igin. Agko man pabayad siton pertan kin maririsa ninyo to aluminum box. Adto igin gad adto san pa sumasagob sa iinomon ta pitsil baga to kapot.

Baka narumruman kadto ni Manay Nors ku panawon niya na san man iya iinom.

THE END

========================

An problema ta sana kadi diri ta isi kin kuno ta di maaatap ta agko sira Mayora Simbulan building project sadi kaabay. Tutugrukan sadi kaabay sa agranan pataas sa second floor. Sabi ku gurang na isadi lugar baka kuno adi kasilyasan ikolokar san irarom kana agranan na an.

Ya if there's a will there's a way. Ading project na adi repair and repainting sana man ana gigibowon ta. Kin agko sana kanato mag inform sado Local Government kin ono gigobowon kadi baka pwede tang pagtabangan na gastuwan. Makaina na basang ana gagastowon ta sa mga expenses kana local government nganing mai-realign pa nira sa ibang programa. Ana mga humble na project na arog kadi dapat kita na sanang mga sadit amo mag ingua.

Ono kamo?

Email me at jmpesebre@yahoo.com kin gusto ninyong tumabang.